Taravari: 13 shkurti i vitit 2019, dita më tragjike për Gostivarin

19:34 | 13 Shkurt 2022
A. B.

“13 shkurti i 2019-s mbetet dita më tragjike për Gostivarin”, u shpreh kryetari i Gostivarit, Arben Taravari gjatë kujtimit të aksidentit tragjik në Llaskarcë.

Ai tha se numri i viktimave nga ky aksident tragjik, është i lartë për një territor siç është Gosativari.

“Nuk mund ta harrojmë asnjëherë, të gjithë banorët e Gostivarit”.

“Urojmë dhe shpresojmë që kurrë mos të përsëriten fatkeqësi të këtilla”, tha më tej Taravari.

Ndryshe, sot para tre viteve ndodhi aksidenti tragjik i autobusit të kompanisë “Durmo Turs” nga i cili jetën e humbën 16 persona dhe shumë të tjerë u lënduan.

Për këtë tragjedi u hap procedurë gjyqësore, por ende nuk ka vendim përfundimtar./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm